ಬೆಂಗಳೂರು:
ರಾಜಾಜಿನಗರ ವಿಧಾನಸಭಾ ಕ್ಷೇತ್ರ: ದಯಾನಂದನಗರ ವಾರ್ಡ್ ನಲ್ಲಿರುವ ಶ್ರೀರಾಮಪುರ ಪೊಲೀಸ್ ಠಾಣೆಯಲ್ಲಿ ವಾರ್ಡ್ ಪ್ರಮುಖ ರಸ್ತೆಗಳಿಗೆ 70 ಸಿ.ಸಿ.ಕ್ಯಾಮೆರಾ ಆಳವಡಿಸಿರುವ ಯೋಜನೆಗೆ ಮಾಜಿ ಶಿಕ್ಷಣ ಸಚಿವರು, ಶಾಸಕರಾದ ಎಸ್.ಸುರೇಶ್ ಕುಮಾರ್ ರವರು ಚಾಲನೆ ನೀಡಿದರು, ಮಾಜಿ ಬಿಬಿಎಂಪಿ ಸದಸ್ಯ ಎಂ.ಮುನಿರಾಜರವರು, ಪೊಲೀಸ್ ಇನ್ಸ್ ಪೆಕ್ಟರ್ ಎನ್.ಎಮ್.ಪೂಣಚ್ಚ ಉಪಸ್ಥಿತರಿದ್ದರು.
ಇದೇ ಸಂದರ್ಭದಲ್ಲಿ ಎಸ್.ಸುರೇಶ್ ಕುಮಾರ್ ರವರು ಮಾತನಾಡಿ ಜನರ ಜೀವ ರಕ್ಷಣೆ ಅಪರಾಧ ಚಟುವಟಿಕೆಗಳಿಗೆ ಕಡಿವಾಣ ಹಾಕಲು ಮತ್ತು ವಾಹನ ಕಳ್ಳತನ ಪತ್ತೆ ಹಚ್ಚಲು, ಸರಗಳ್ಳತನ, ರೌಡಿಗಳ ಮತ್ತು ಅಪರಿಚಿತರ ಚಲನವಲನ ನಿಗಾ ಇಡಲು ದಯಾನಂದನಗರ ವಾರ್ಡ್ ನಲ್ಲಿ 70 ಸಿ.ಸಿ.ಕ್ಯಾಮೆರಾ ಆಳವಡಿಸಲಾಗುತ್ತಿದೆ.
ರಾಜಾಜಿನಗರ ವಿಧಾನಸಭಾ ಕ್ಷೇತ್ರದ ಎಲ್ಲ ವಾರ್ಡ್ ಗಳಲ್ಲಿ ಸಿ.ಸಿ.ಕ್ಯಾಮೆರಾ ಆಳವಡಿಸಲಾಗಿದೆ.
ದಯಾನಂದನಗರ ವಾರ್ಡ್ ನಲ್ಲಿ ಬರುವ ಎಲ್.ಎನ್.ಪುರಂ, ಶ್ರೀರಾಮಪುರ, ಬ್ರಹ್ಮಪುರ, ದಯಾನಂದನಗರದ ಎಲ್ಲ ಪ್ರಮುಖ ರಸ್ತೆಗಳಿಗೆ ಸಿ.ಸಿ.ಕ್ಯಾಮೆರಾ ಹಾಕಲಾಗಿದೆ ಸಿ.ಸಿ.ಕ್ಯಾಮೆರಾ ವೀಕ್ಷಣೆಗೆ ಪೊಲೀಸ್ ಠಾಣೆಯಲ್ಲಿ ಕಂಟ್ರೋಲ್ ರೂಂ ರಚಿಸಲಾಗಿದೆ.
ಕೆಲವು ರಸ್ತೆಗಳಿಗೆ ಮುಂದಿನ ದಿನಗಳಲ್ಲಿ ಸಿ.ಸಿ.ಕ್ಯಾಮೆರಾ ಆಳವಡಿಸಲಾಗುವುದು.
ಭಯು ಮಕ್ತರಾಗಿ ಜನರು ಒಡಾಡಬೇಕು, ಅಪರಾಧ ಚಟುವಟಿಕೆಗಳಿಗೆ ಕಡಿವಾಣ ಬೀಳಬೇಕು ಎಂಬುದು ಉದ್ದೇಶ ಎಂದು ಹೇಳಿದರು.
ಮಂಡಲ ಅಧ್ಯಕ್ಷರಾದ ಸುದರ್ಶನ್, ಪ್ರಧಾನ ಕಾರ್ಯದರ್ಶಿ ಗಿರೀಶ್ ಗೌಡ, ಬಿಜೆಪಿ ಯುವ ಮುಖಂಡ ಯಶಸ್ ನಾಯಕ್ ಮತ್ತು ದಯಾನಂದನಗರ ವಾರ್ಡ್ ಸ್ಥಳೀಯ ಬಿಜೆಪಿ ಮುಖಂಡರು, ಕಾರ್ಯಕರ್ತರು, ಪೊಲೀಸ್ ಠಾಣೆಯ ಸಿಬ್ಬಂದಿಗಳು ಭಾಗವಹಿಸಿದ್ದರು.
